ХАЛААЛТЫН ЗУУХНЫ АШИГЛАЛТ, ЗОХИЦУУЛАЛТЫН

ГАЗРЫН ТОВЧ ТАНИЛЦУУЛГА

Манай байгууллага Нийтийн Аж Ахуйн Үйлчилгээний Яамны мэдэлд байсан1990 онд БНМАУ-ын СнЗ-ын 142-р тогтоолоор ТЭХЯ-ны харъяанд шилжүүлсэний дагуу тус яамны сайдын 1990 оны 32-р тушаалаар Улаанбаатар Дулааны Шугам Сүлжээний Газрын Харъяанд 1990 он 07-р сарын 01-нээс Халаалтын Зуухны Ашиглалтын Төв нэртэйгээр анх байгуулагдсан.

Түлш Эрчим Хүчний Сайдын 1993 оны 16-р тушаалаар УБДШСГ-ын Харъяаллаас Төвийн Эрчим Хүчний Төвийн мэдэлд шилжин ажиллаж байгаад 1997 оноос Монгол улсын төрийн болон орон нутгийн өмчийн тухай хуулийн дагуу Нийслэлийн Засаг Дарга бөгөөд Улаанбаатар хотын Захирагчийн Ажлын Албаны Харъалалд шилжиж, 2001 оны 01-р сарын 17-ны өдрийн 38 тоот захирамжаар Халаалтын Зуухны Ашиглалтын Газар нэртэйгээр өөрчлөн зохион байгуулагдсан болно.

Тус байгууллагын харъяалалд байсан зуухнууд Нийслэлийн Засаг даргын захирамжийн дагуу менежментийн гэрээгээр шилжсэн үеэс зуухны ашиглалт хариуцахгүй болсон тул Нийслэлийн Засаг даргын 2005 оны 01-р сарын 29-ны өдрийн 29 тоот захирамжаар Халаалтын Зуухны Ашиглалт, Зохицуулалтын Газар нэртэйгээр өөрчлөн зохион байгуулагдаж, хариуцах ажлын үүрэг зорилго өөрчлөгдсөн.

Нийслэлийн засаг даргын 2009 оны 04 дүгээр сарын 28-ны өдрийн 183 тоот захирамжаар Халаалтын Зуухны Ашиглалт Зохицуулалтын Газар нэрээр дахин өөрчлөгдөн зохион байгуулагдан ажиллаж байна.

Улаанбаатар хотын агаарын бохирдлыг бууруулах, нийслэл хотын төсвийн ачаалалд хүндрэл учруулахгүй байх үүднээс техник-технологийн шинэчлэлтийг хувийн өмчинд тулгуурлан хийх зорилгоор нийслэлийн өмчит зуухнуудыг менежментийн гэрээгээр ажиллуулах журам боловсруулан батлуулж, 2003 оноос зуухны шинэчлэлтийн ажлыг эхлүүлсэн

Тус байгууллага нь өөрийн харъяаны УС-15, к-14, к-24 зуухаар Нийслэлийн 2 -н дүүргийн дулааны нэгдсэн сүлжээнд холбогдоогүй төсвийн сургууль, цэцэрлэг, эмнэлэг, хороо, тамгын газар, цагдаагийн тасаг, орон сууцны байруудыг, 51 ажилтантайгаар дулааны эрчим хүч үйлдвэрлэн, хэрэглэгчдийн өмнө хүлээсэн үүргээ бүрэн биелүүлэн ажиллаж байна.

Халаалтын зуухнуудыг нэгдсэн удирдлагаар хангах, шинэ дэвшилтэт техник –технологи нэвтрүүлснээр хотын агаарын бохирдлыг өууруулах, хэрэглэгчдийг чанартай дулааны эрчим хүчээр хангах нь манай хамт олны үндсэн зорилго болно.

УЛААНБААТАР ХОТ

2009 ОН

НИЙСЛЭЛ УЛААНБААТАР ХОТЫН ХАЛААЛТЫН ЗУУХНЫ ГАЗРУУДЫН БАЙРШИЛ

Улаанбаатар хотын нийт 39 зуухны газарт 24 маягийн 166 зуух ажиллаж байгаагийн 39,8% нь Баянзүрх, 223,3% нь Хан-Уул, 16,9% нь Сонгинохайрхан, 13,2% нь Чингэлтэй, 6,6% нь Сүхбаатар, 1,2% нь Баянгол дүүрэгт тус тус ажиллаж байна.

Усан халаалтын зуухнуудын байрлалын судалгаа

Монголд үйлдвэрлэсэн НР-18-54 ба БЗИУ-100 маягийн зуухнууд Баянзүрх, Хан-Уул дүүрэгт Хамгийн их тархсан байгаа бол Унгар улсад үйлдвэрлэсэн Карборобот маягийн зуух Чингэлтэй, Хан-Уул дүүрэгт зонхилж байна.

ХАЛААЛТЫН ЗУУХНЫ ГАЗРУУДЫН ЭЗЭМШИЛИЙН БАЙДАЛ

Усан халаалтын зуухны газрууд эзэмшилийн хувьд хоёр бүлэгт хуваагдаж байна.

Ихэнх сургууль цэцэрлэг, эмнэлэг зэрэг төрийн үйлчилгээний байгууллагуудын, өөрөөр хэлбэл 2006 оноос өмнө Хотын халаалтын зуухны ашиглалтын захиргааны мэдэлд байсан зуухны газруудыг хувьчилсан байна. Хэрэглэгчид нь дулааны эрчим тухайн зуухыг хувьчилж авсан компаниас худалдан авч байна .

НИЙСЛЭЛ УЛААНБААТАР ХОТЫН ТӨРИЙН ҮЙЛЧИЛГЭЭНИЙ БАЙГУУЛЛАГУУДЫГ ДУЛААНААР ХАНГАДАГ ЗУУХНЫ ГАЗРЫН НЭРС

Усан халаалтын зуухны газруудын үлдсэн хэсэг нь тухайн байгууллагын өөрийн мэдэлд ажиллаж байна. Гэхдээ тэдгээр нь мөн өмчийн харъяаллаар хоёр бүлэгт хуваагдаж байна.

Холбоо барих утас: 458073, 688943, 363423, 682414, 350244